Teléfonu: 985 773 558

 

Blog

La producción ecolóxico d’Asturies precisa nueves representantes.

El COPAE empecipió procesu electoral pa la renovación del Plenu del Conseyu, que,
tres l’aprobación de la Llei 2/2019, y el pasu a corporación de drechu públicu de la entidá,
tendrá de ser paritariu, afitando un equilibriu ente homes y muyeres na so composición.

El nuevu reglamentu de réxime internu del COPAE, aprobáu apocayá; tamién inclúi la
creación del logotipu de la entidá en llingua asturiana, que va poder usase de manera oficial
por aquellos operadores qu’asina-yos apeteza.

 

Llanera. 22/12/2020. El Conseyu de la Producción Agraria Ecolóxica del Principáu
d’Asturies (COPAE), empecipió’l procesu electoral pa la renovación del Plenu del Conseyu, nel
que tán representaes les persones que producen, tresformen y comercialicen alimentos
ecolóxicos n’Asturies, y nel que tamién tienen representación los consumidores y
l’alministración.
Les candidatures van poder presentase hasta’l 5 de xineru. Una de les novedaes nel
Plenu del Conseyu ye que va tener qu’haber un equilibriu d’homes y muyeres na so composición,
pa dar cumplimientu a lo afitao na Llei 2/2019, que regula la calidá alimentaria n’Asturies y pola
que’l COPAE pasa a ser una corporación de drechu públicu integrada por tolos operadores
inscritos nel so rexistru.
La necesidá de que’l muérganu de gobiernu del COPAE seya paritariu refuérzase nos
nuevos estatutos que regulen el COPAE. Poro, la Xunta Electoral comunicó a los electores que
nun s’aceptarán candidatures que nun seyan paritaries.
El sistema electoral del Conseyu regúlase nel reglamentu de réxime internu, aprobáu
apocayá. Otra de les novedaes qu’inclúi esti reglamentu ye la creación del logotipu del COPAE
en Llingua Asturiana, pa que puedan usalu aquellos operadores que-yos pete nel etiquetáu de
los sos productos. L’usu, cada vez más normalizáu del asturianu por parte del Conseyu refléxase
tamién na páxina web www.copaeastur.org , y na última campaña de promoción de los
alimentos ecolóxicos d’Asturies “Son Lo +”. www.sonlomas.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies