Alimentos ecolóxicos

Flor manzano

¿Por qué consumir alimentos ecolóxicos?

Los productos ecolóxicos son meyores pa la salú y el mediu ambiente porque se llograron ensin productos químicos de síntesis y d'organismos modificaos xenéticamente. El consumu de los alimentos ecolóxicos aumenta progresivamente porque’l consumidor esixe cada vegada más calidá nos alimentos. Pola creciente sensibilización social pa escontra temes medioambientales, tamién se valora que'l sistema de producción sía respetuosu col mediu ambiente.

Los productores y ellaboradores d'alimentos llogren una serie de ventayes gracies a la certificación ecolóxica. Certificar la producción como ecolóxica supon un valor añedíu a la producción al ufiertar alimentos saludables y calidables. Realizar esta producción al traviés d’un sistema respetuosu col mediu ambiente tien amás la so compensación; la reforma de la Política Agraria Común y los Programes de Desenvolvimientu Rural van empobinaos a fomentar les producciones calidables respetuoses col mediu ambiente por aciu ayudes a les que namái llabradores y ganaderos de producción ecolóxica pueden tener accesu.

¿Cómo s'identifiquen los alimentos ecolóxicos?

Pa que un productu sía ecolóxicu tien que tar certificáu por un organismu de control y certificación autorizáu. Los alimentos ecolóxicos tienen de dir siempres identificaos pol códigu o logotipu del órganu de control y el sellu européu de la producción ecolóxica, lo que garantiza qu'esi productu pasó toles prebes y controles a que se someten tolos operadores de producción ecolóxica. Solo los alimentos ecolóxicos certificaos pueden llevar les menciones.

  1. ECOLÓXICU
  2. ECO
  3. BIOLÓXICU
  4. BIO
  5. ORGÁNICU

logo eu organic

Ésti ye'l sellu européu de productos ecolóxicos que tien d'apaecer obligatoriamente na etiqueta

Nel casu d'Asturies, l'organismu de certificación ye'l COPAE, el so códigu ye ES-ECO-012-AS y el so logotipu ye ésti:

bodegon

¿Dónde encontrar alimentos ecológicos?

Esisten diverses maneres d'atopar productos ecolóxicos. Amás de los Comercios Inscritos nel COPAE, pueden mercase estos alimentos en tiendes especializaes, supermercaos y grandes superficies. Cada vez son más los puntos de vienta qu'ufierten al consumidor alimentos de producción ecolóxica.

Una forma más cercana y encamentada de consiguir productos ecolóxicos ye al traviés de la vienta directa que realicen dellos productores inscritos nel COPAE. Yá sía directamente na so esplotación o en determinaos mercaos y feries locales. Puede consultar nel Llistáu de Productores aquellos que tean cerca de la so localidá pa contactar con ellos y visitar les sos esplotaciones.

Nel COPAE tamién esiste un rexistru d'Establecimientos de Restauración qu'ufierten productos ecolóxicos indicándolo nes cartes, nel platu, en dalgún de los ingredientes, o n'el mesmu establecimientu.

Alimentación saludable y de producción ecolóxica nos comedores escolares.

Esiste la necesidá d'ameyorar l'alimentación de la población infantil, ameyorando l'equilibriu nutricional del menú escolar ya incorporando aspeutos educativos na alquisición de vezos alimentarios saludables, nel respetu al mediu ambiente y na filosofía d'un consumu responsable y xusto, al traviés de la conocencia de les ventayes de l'agricultura ecolóxica y la so incorporación progresiva nel comedor escolar. Por ello, el COPAE participa nel Programa d'Alimentación Saludable y de Producción Ecolóxica nos Comedores Escolares, col compromisu de les trés Conseyeríes de Salú y Servicios Sanitarios, d'Educación y Ciencia, de Mediu Rural y Pesca, nuna acción siguida ya intersectorial.

 

 

Sábado 1 de diciembre, de 11 a 15h y de 17 a 20h.

Lleer más...
 

Mesa redonda sobre agroganadería en Tapia de Casariego.

 

Lleer más...
  mas eventos...
videos
juegos
facebook twiter Blog Copae