Ganadería

¿Qué ye?

gandado

La ganadería ecolóxica ye un sistema de producción nel que nun s'autoriza l'usu de sustances químiques de síntesis (abonos químicos, yerbicíes) nin d'organismos modificaos genéticamente. Na ganadería ecolóxica respétase'l bienestar de los animales, ensin forzar los sos ciclos naturales, con agospiamientos afayadizos y accesu a camperes. Los animales aliméntense con forraxes y piensos ecolóxicos, llograos principalmente na mesma esplotación. La sanidá basase na prevención d'enfermedaes por aciu la selección de races afeches a la zona, bones práctiques de manexu y alimentación afayadizo. Y fomenta la diversidá xenética utilizando animales de races autóctones.

Condiciones

La lexislación sobre ganadería ecolóxica establez una serie de condiciones pa que la producción pueda certificase como procedente de la ganadería ecolóxica. Nuna esplotación ecolóxica tienen de cumplise una serie de principios y normes de producción sobre'l manexu de les camperes, el ganáu, l'alimentación , tratamientos veterinarios, xestión del cuchu y el purín, etc.

paisaje

Conversión a la ganadería ecolóxica

La fase d'adaptación na que s'incorporen na unidá de producción los métodos de producción ecolóxica ye lo que se conoz como periodu de conversión. Esti períodu aplícase tantu pa los animales como pa les tierres acomuñaes a la producción d'animales. El períodu de conversión empecipia tres la solicitú d'incorporación de la unidá de producción nos rexistros del COPAE, dende esi momentu tien de cumplise la normativa de producción ecolóxica, nun pudiéndose comercializar la producción como ecolóxica hasta que rematara dichu períodu.

Los períodos de conversión van tener la siguiente duración: Les parceles que sían utilizaes pa la producción d'alimentos pa los animales: 2 años. Nel casu de los animales y los sos productos el períodu de conversión va ser de:

a) Equinos y bovinos, destináu a la producción de carne: 12 meses y nunca menos de les 3/4 cuartes partes del so tiempu de vida. b) Animales destinaos a la producción de lleche: 6 meses. c) Pequenos rumiantes y gochos: 6 meses. d) Aves de corrolada, destinaes a la producción de carne (introducíes antes de los trés díes de vida): 10 selmanes. e) Aves de corrolada destinaes a la producción de güevos: 6 selmanes.

 

En ganadería ecolóxica, aplícase xeneralmente una conversión simultánea del terrén y los animales con una duración total de dos años, realizándose la conversión del ganáu demientres la última fase de la conversión del terrén.

Gallinas

N'Asturies comercialízase la carne de xata asturiana de producción ecolóxica col certificáu del COPAE y del Conseyu Regulador de la IGP “Ternera Asturiana”. Pa facilitar la certificación conxunta, dambos conseyos roblaron un conveniu de collaboración. Si quier inscribise nel Conseyu Regulador de la IGP “Ternera Asturiana”, póngase en contactu con ellos ya indicarán-y los pasos pa realizar la tramitación. P'ampliar información sobre les normes de producción en ganadería ecolóxica puede descargar la Guía sobre Ganadería Ecolóxica. Equí van atopar les respuestes sobre lo que ye la ganadería ecolóxica, les sos ventayes, cómo ta regulada, qué condiciones s'esixen y qué pasos son necesarios pa certificar una producción como ecolóxica según la so Tramitación

 

Logo ternera asturiana

 

Sábado 1 de diciembre, de 11 a 15h y de 17 a 20h.

Lleer más...
 

Mesa redonda sobre agroganadería en Tapia de Casariego.

 

Lleer más...
  mas eventos...
videos
juegos
facebook twiter Blog Copae