Entrugues frecuentes

Huerta

¿Qué ye?

L'agricultura ecolóxica, tamién llamada orgánica o biolóxica, ye un sistema de producción con unes bases técniques y una normativa propia na que nun s'autoriza l'usu de sustances químiques de síntesis nin d'organismos modificaos genéticamente. L'oxetivu de la producción ecolóxica ye llograr alimentos saludables y de máxima calidá que merezan l'enfotu del consumidor. Na agricultura y ganadería ecolóxica caltiense y amonta la fertilidá de la tierra ensin utilizar pesticides nin abonos químicos pa evitar el deterioru del mediu ambiente. Respétase'l bienestar de los animales, ensin forzar los sos ciclos naturales, y foméntase la diversidá xenética utilizando animales de races autóctones y cultivos de variedaes locales.

Prohíbense los organismos modificaos genéticamente (conocíos como OGM´s o trexénicos) cola fin d'evitar la perda de la diversidá xenética y otros efectos perxudiciales pa la salú y el mediu ambiente. Llueñe de ser una vuelta al pasáu, ye un sistema de producción agraria que mira al futuru y que basa les sos práctiques nes conocencies técniques más actuales de producción y ellaboración d'alimentos, ensin dexar de tener en cuenta les práctiques tradicionales.

Xeneralmente falamos de l'agricultura ecolóxica polo xeneral pa referinos non yá a l'agricultura ecolóxica, sinón tamién a otres producciones como son la ganadería ecolóxica y l'apicultura ecolóxica. Apocayá incluyéronse tamién normes d’acuicultura ecolóxica. Tamién tán suxetos a les normes de producción ecolóxica la ellaboración d'alimentos a partir de productos procedentes de la producción ecolóxica, la so importación y la so comercialización. (enllaces col menú secundariu de cada unu d'ellos)

¿Quién controla la producción ecolóxica?

Pa qu’un alimentu sía ecolóxicu, tien de producise conforme a les estrictes normes de producción ecolóxica y tar certificáu por una entidá de control y certificación. El COPAE exerze los llabores de control sobre los distintos operadores inscritos en tolos procesos de producción, ellaboración y comercialización de los productos ecolóxicos. Los inspectores de COPAE realicen dacuandu controles refechos por aciu inspecciones y auditoríes a los operadores inscritos. Tolos operadores son controlaos, a lo menos, una vegada al añu.

Los controles inclúin tomes d'amueses de los distintos productos, que son unviaes a llaboratorios acreditaos pa garantizar l'ausencia total de borrafes de sustances prohibíes, como pesticidas, organismos modificaos genéticamente, antibióticos, aditivos ensin autorizar, etc. Tou'l operadores inscritos nel COPAE tán obligaos a cumplir les normes de producción ecolóxica y a llevar una serie de rexistros y control documental que dexen al COPAE comprobar el cumplimientu de la normativa.

Más sobre Alimentos Ecolóxicos

 

Sábado 1 de diciembre, de 11 a 15h y de 17 a 20h.

Lleer más...
 

Mesa redonda sobre agroganadería en Tapia de Casariego.

 

Lleer más...
  mas eventos...
videos
juegos
facebook twiter Blog Copae