El Conseyu de la Producción Agraria Ecolóxica del Principáu d’Asturies (COPAE) ye una entidá de xestión creada pola Conseyería competente en materia agrario, pa conferi-y la función de realizar el control oficial de la producción ecolóxica.
L’órganu de gobiernu del COPAE ye’l Plenu del Conseyu, nel que tán representaos productores, ellaboradores, consumidores y l’alministración del Principáu d’Asturies.
El so funcionamientu regulase por aciu d’un Reglamentu de Réxime Internu, aprobáu pol Plenu del Conseyu.
Pero tamién tien asignaes otres funciones públiques, como la xestión del rexistru d’operadores ecolóxicos, velar pol cumplimientu de les normes de producción ecolóxica, promover el consumu d’alimentos ecolóxicos y realizar l’espardimientu y la conocencia de los sistemes de producción ecolóxica.
El COPAE controla les normes de producción ecolóxica en toles fases de producción, tresformamientu y comercialización de productos ecolóxicos. Por ello, el COPAE ye’l responsable de xestionar los siguientes rexistros d’operadores:
Pa les producciones agrícoles, ganaderes o d’acuicultura.
Pa les empreses que procesen, tresformen o distribúin.
Pa l’actividá d’importación de países terceros.
P’aquelles tiendes que manipolien productos ecolóxicos o realicen la vienta a granel, o de forma fraccionada, al consumidor o usuariu final.
Pa garantizar l’orixe de los productos ecolóxicos, el COPAE ufierta la posibilidá d’establecer alcuerdos de collaboración coles empreses de restauración colectiva y crea un nuevu rexistru pal control de restoranes o empreses de restauración colectiva qu’ellaboren menúes o platos con ingredientes ecolóxicos.
A nivel nacional, esiste un rexistru xeneral d’operadores ecolóxicos (REGOE), que puede consultase na páxina web del Ministeriu d’Agricultura.
El COPAE estrayi añalmente los datos de la producción ecolóxica. La información inclúi’l númberu d’operadores por actividaes, la superficie inscrita por cultivos, les producciones ganaderes o los tipos d’industries, ente otros.
Puede consultar les estadístiques dende l’añu 2001, tanto d’Asturies como del restu de comunidaes d’España, na páxina web del Ministeriu d’Agricultura Pesca y Alimentación.
Amás, el COPAE publica los mapes de distribución de la producción ecolóxica n’Asturies, por conceyos
Una de les obligaciones qu’establez la normativa europea de producción ecolóxica ye la contribución de los operadores a los costos de control. Por ello, el COPAE establez distintes cuotes d’inscripción y caltenimientu nos rexistros, según cada tipu d’operadores y actividaes certificaes.
El COPAE ye una entidá de xestión con calter públicu y ensin ánimu d’arriquecimientu. Los ingresos procedentes de les tases de los operadores destínense a financiar parte de los gastos de control y de funcionamientu, y parte de los gastos de promoción de la producción ecolóxica.
Al tratase de funciones públiques conferíes pola alministración, el COPAE tamién se financia por aciu d’ayudes de la Conseyería competente en materia agrario.
La producción ecolóxica regulase a nivel européu.. Puede consultase tola lexislación actualizada sobro la producción ecolóxica, tantu nacional como europea, na páxina web del Ministeriu d’Agricultura.
Consultar normativa europea y nacional
N’Asturies, los documentos normativos son los siguientes:
Reglamentu internu del COPAE
Catálogu d’incumplimientos y midíes na producción ecolóxica
Resolvimientu sobro la exención de determinaos comercios minoristes